Жалпы білім беретін пәндер бойынша 5-6 сынып оқушыларына арналған Республикалық олимпиаданың төртінші (қорытынды) кезеңі

2021 жылғы 13 желтоқсан күні Батыс Қазақстан облысы білім басқармасының «Дарын» қосымша білім орталығымен бірлесіп, Қазақстан Республикасы Білім және ғылым министрлігі жанындағы «Дарын» республикалық ғылыми-практикалық орталығының ұйымдастыруымен "Дарын" республикалық ғылыми-практикалық орталығының өкілі Сакауова Роза Шаймановна, Облыстық білім басқармасының мектепке дейінгі және жалпы орта білімді дамыту бөлімінің басшысы Батыргалиева Луара Кайрекеновна, педагогика ғылымдарының кандидаты, доцент Куспанов Утебай Куспанович қатысуымен «Академиялық адалдық» негізінде барлық санитарлық-эпидемиологиялық нормаларды сақтай отырып, оффлайн форматта дарынды балаларға арналған мамандандырылған С.Сейфуллин атындағы №11 облыстық мектеп-интернатының базасында жалпы білім беретін пәндер бойынша 5-6 сынып оқушыларына арналған Республикалық олимпиаданың төртінші (қорытынды) кезеңі өткізілді.

Олимпиаданың негізгі мақсаттары мен міндеттері - жалпы білім беру мекемелері білім алушыларының шығармашылық қабілеттерін және танымдық қызметке қызығушылығын анықтау және дамыту, дарынды балаларды қолдау үшін қажетті жағдайлар жасау, сондай-ақ ғылыми білімді насихаттау.

Олимпиада математика, жаратылыстану, қазақ тілі мен әдебиеті, орыс тілі мен әдебиеті, орыс тілінде оқытатын сыныптардағы қазақ тілі, қазақ тілінде оқытатын сыныптардағы орыс тілі, ағылшын тілі, қазақстан тарихы пәндері бойынша Oqylyq.kz қашықтықтан оқыту платформасы прокторинг жүйесі арқылы өткізілді. Олимпиаданың өту барысы Youtube тікелей трансляциясы арқылы бақыланды.

Жалпы білім беретін пәндер бойынша 5-6 сынып оқушыларына арналған Республикалық олимпиаданың төртінші (қорытынды) кезеңіне 13 жалпы білім беру ұйымдарынан 16 оқушы қатысты.

Облыс бойынша олимпиадаға қатысқан 16 оқушының 12-і жеңімпаздар мен жүлдегерлер атанып, I, II және III дәрежелі дипломдармен және 1 оқушы грамотамен марапатталды.