Описание:
Қазіргі кезде балаларды роботтармен таң қалдыру қиын, олар роботтық техникамен тез тіл табысып кетеді. Нәтижесінде оқушылар трансформерлер мен роботтарды өздері жасап ала алады. Робототехника үйірмелері көптеп ашылуда, педагогтердің да шеберлігі артуда. Робототехника үйірмесінде оқушылар өз беттерімен роботтарды программалап үйренеді, металл және пластмасса бөлшектерден көптеген функцияларды өздігінен атқара алатын робот жасайды. Нәтижесінде логикалық ойлау, қол шеберлігі, бақылау және себеп-салдарлық байланыстарды айқындау машықтары дамиды. Логикалық және математикалық ойқорыту, жоспарлау және алгоритмді жүзеге асыра білу болашақ көшбасшы үшін қажет қасиет. Балалық қызығушылық ересек адамның практикалық тұғыры болып табылады.
