Описание:
Автоүлгілер шын автомобильдерге өте ұқсас. Шын машиналардан олардың жылдамдықтары аз болса да назар аударуға тұрарлық. Ең тамашасы – олар жас инженерлердің қолынан шыққан! Бұл техниканы игеру үшін физика, математика, т.б. пәндерді меңгере бастайсыз. Бұл білім мектептегі сабақтарыңызға көп көмегін тигізеді, өміріңізде де пайдаға асады. Оқушылар үйірме сабақтарында жинақылыққа үйренеді, жарыстарда мұқият болу дағдысын меңгереді. Мысалы, радиобасқарылымы бар РБЦ класында мәнерлеп көлік айдаудан жарыстар болады. Жас жүргізуші «ирек», «сегіздік» тәрізді күрделі элементтері бар трассаны шапшаң өтіп шығуы керек. Багги класының сабақтары да қызықты өтеді. Ең бастысы, оқушылар машинаның әлсіз тұсы болса, инженердің білімінде олқылық болғанын түсінеді.
